Brynjar Örn Svavarsson

Í skátunum förum við að sjálfsögðu í útilegur því skátastarfið er mest úti. Ég er búinn að vera í skátunum í um það bil eitt og hálft ár og það hefur verið eitt af því skemmtilegasta sem ég hef gert í lífinu. Við förum í allskonar útilegur og mín persónulega uppáhalds útilega var í Vindáshlíð og Bláfjöllum.  Ferðin í Vindáshlíð er ein af mínum uppáhalds af því að þar fékk ég að kynnast skátafélögum mínum (þú færð að kynnast nýjum vinum líka ef þú byrjar í skátunum) og líka með Bláfjöll, þar kynntist ég líka nýju fólki. 

Það eru skátafundir í hverri viku og stundum tvisvar í viku og við gerum allskonar á fundum eins og að vinna að og safna færnimerkjum, við getum gert nánast hvað sem við viljum. Við förum í fjallgöngur og venjulegar göngur og stundum í útieldun (en við þrífum alltaf eftir okkur) og við gerum margt mismunandi, til dæmis klifur, sjósund og fleira.

Svo eru Landsmót, á þau koma skátar frá mörgum löndum og tjalda með íslenskum skátum. Þar er mjög gaman og margt gert eins og kvöldvökur, fara á báta, klifur og fleira. Ef þú ert í skátunum þá myndi ég mæla með  því að skrá þig á næsta Landsmót. Svo eru fjáraflanir fyrir til dæmis Alheimsmót sem verður 2027 og ég stefni á að fara þangað.

Elvar Berg Helgason dróttskáti

Útilífsskóli Hraunbúa býður upp á útilífsnámskeið fyrir 8-12 ára (fædd 2012-2016)

Við leggjum upp með að vera með sitt hvort prógrammið fyrir dagsferðaviku
og útileguviku svo ef börn eru skráð á bæði námskeiðin fá þau sitt hvora
dagskrána.

Upplýsingar:

Námskeiðin hefjast kl. 09:00 í Skátaheimili Hraunbúa, Hjallabraut 51 og lýkur kl. 16:00 á sama stað (á viku B er sólarhringsútilega frá fimmtudegi til föstudags og eru börnum skutlað og sótt á Hvaleyrarvatn). Á föstudögum er heimferð klukkan 14 í A vikum og klukkan 12 í B vikum. Þátttakendur þurfa að koma klæddir eftir veðri því gert er ráð fyrir útiveru alla dagana. Eins þurfa þátttakendur að vera vel nestaðir fyrir langan og skemmtilegan dag.

Dagskrá er háð breytingum og upplýsingagjöf verður í hámarki.


Í viku A er áhersla lögð á útiveru í nágrenni Hraunbyrgis (Skátaheimili Hraunbúa) og náttúruna hér í kring. Vikunni lýkur svo með uppgjörshátíð á
síðasta degi. Dagskrá lýkur klukkan 14 á föstudeginum. 

Í viku B er lögð áhersla á samvinnu, hópefli og útiveru. Vikunni lýkur svo með einnar nætur tjaldgistingu við Hvaleyrarvatn þar sem krakkarnir fá að kynnast tjaldbúðarlífi. Krökkunum er skutlað upp að Hvaleyravatni klukkan 10 og dagskrá lýkur klukkan 12 daginn eftir á Hvaleyravatni. 

Vika 1 – 10-14 júní – A vika

Víka 2 – 18-21 júní (frí 17 júní) B vika

Vika 3 – 24-28 júní – A vika

Vika 4 – 1-5 júlí – B vika

Vika 5 – 8-11 júlí (frí 12 júlí) – B vika

Skráning er hér: https://www.abler.io/shop/hraunbuar/1

Vormót Hraunbúa verður haldið um Hvítasunnuhelgina 17.-20. maí á Hamranesi.
Það verður fjölbreytt dagskrá í boði og Rimmugýgur ætlar að vera með okkur að venju.
Endalaust kakó í kakótjaldinu, foreldrar velkomnir að koma og vera í fjölskyldubúðum með yngri systkini.
Það er ekkert betra en Vormót til að starta ævintýra- og útilegusumrinu.
Hlökkum til að sjá ykkur.
Skráning er hér: https://www.abler.io/shop/hraunbuar/1